Tuesday, June 20, 2017

செகுவேராவை விட அம்பேத்கார் பெரிய போராளியா?

- ஆனந்த கணேஷ்

பங்களாதேசத்தில் இருந்த பல்லாயிரக்கணக்கான நாமசூத்திரர்கள் என்கிற ஸ்ரீஜனர்களை முஸ்லீம் லீக் கட்சியினர் கொலை செய்யக் காரணமாக இருந்தவர் அம்பேத்கார். அவரால் கொல்லப்பட்ட, சொத்துகளைப் பறிகொடுத்த, வன்புணரப்பட்ட, சுவற்றில் அடித்துக் கொல்லப்பட்ட குழந்தைகள், பெண்கள், ஆண்கள், வயோதிகர்களின் எண்ணிக்கை சே குவேரா செய்த கொலைகளை விட அதிகம்.
 
இவர்கள் கொலைக்கு அம்பேத்கார் எப்படிக் காரணமானார் ?

முஸ்லீம் லீக் கட்சியோடு கூட்டணி வைத்திருந்த அம்பேத்காரின் கட்சிக்கு, வங்காளத்தில் செல்வாக்கு இருந்தது. ஆனால், முகமதியர்களோ இந்துக்களுக்கு எதிராகக் கொடுமைகளைச் செய்ய ஆரம்பித்தார்கள். பல இந்துக்கள், முக்கியமாக உயர்த்தப்பட்ட சாதியினர், வெளியேற ஆரம்பித்தனர். அப்போது, ஸ்ரீஜனங்களின் தலைவராகவும், அம்பேத்கார் கட்சித் தலைவராகவும் இருந்த ஜோகேந்திர நாத் மண்டல் அம்பேத்காரிடம் அங்கிருக்கும் இந்துக்களுக்குப் பாதுகாப்பு இல்லாததால், ஸ்ரீஜனங்கள் அங்கிருந்து வெளியேறலாமா எனக் கேட்டிருந்தார்.
 
அவர்கள் வெளியேறிவிட்டால் அங்கே அம்பேத்காருக்கு அரசியல் செல்வாக்கு இருக்காது. அத்துடன், முஸ்லீம் லீகின் கோபத்துக்கும் ஆளாக நேரிடும். எனவே, ஸ்ரீஜனங்கள் செத்தாலும் பரவாயில்லை என்கிற எண்ணத்தில் அம்பேத்கார் ஜோகேந்திரநாத்திடம் பங்களாதேசில் இருந்து வெளியேற வேண்டாம் என்று சொல்லிவிட்டார்.
 
மீண்டும் பிரச்சினைகள் அதிகரித்தன. ஜோகேந்திரநாத் அம்பேத்காருக்கு மீண்டும் கடிதம் எழுதி வெளியேறிவிடலாமா என்று கேட்டார். அதற்கு அம்பேத்கார் முஸ்லீம் லீகானது ஹிந்து மதத்தைக் கட்டிக் காக்கும் பிராமணர்களை மட்டுமே எதிர்க்கும் (அதாவது கொலை செய்யும்) ஸ்ரீஜனங்களை முஸ்லீம் லீக் கொல்லாது என்று உறுதி அளித்து, ஸ்ரீஜனங்கள் பங்களாதேஷைவிட்டு வெளியேறாமல் பார்த்துக் கொண்டார். இதன் மூலம் முஸ்லீம்களின் நன் மதிப்பையும் பெற்றார்.
 
ஜோகேந்திரநாத் மட்டுமல்ல, உலகமே எதிர்பார்த்த கலவரம் ஆரம்பித்தது. உயர்த்தப்பட்ட சாதியினர் பெரும்பான்மையானவர் இந்தியாவுக்கு வந்துவிட்டதால், முஸ்லீம் லீகிற்குக் கொலை செய்ய, வன்புணர, கொள்ளை அடிக்கக் கிடைத்தவர்கள் பெரும்பாலும் ஸ்ரீஜனங்களே.
 
ஜோகேந்திரநாத்தின் சாதியான நாமசூத்திரர்களே அதிகம் கொலை செய்யப்பட்டனர். நாமசூத்திரப் பெண்கள் வன்புணரப்பட்டனர். குழந்தைகள் சுவற்றில் அறையப்பட்டு கொல்லப்பட்டனர்.

அம்பேத்காரின் உத்தரவால் வெளியேறாமல் இருந்த லட்சக்கணக்கான இந்துக்கள் நடுத்தெருவில் செத்துக் கிடந்தனர். குறைந்தது 500,000 பேர் கொல்லப்பட்டிருக்கலாம் என நிபுணர்கள் தெரிவிக்கிறார்கள். இது வழக்கம்போல உண்மைக் கணக்கின் மூன்றில் ஒரு பாகமாக இருக்கவே வாய்ப்புகள் அதிகம்.

அம்பேத்கார் இந்தப் படுகொலைகள் பற்றி, கண்டிப்பதென்ன, எங்கும் பேசக்கூட இல்லை. அதுகுறித்து முற்றிலும் மௌனம் காத்தார்.

இங்கனம் இந்துக்களைக் கொலை செய்வதற்கு ஏற்பாடு செய்து தந்த அம்பேத்காருக்கு எலும்புத் துண்டு பரிசாக அவரை 1952ல் ராஜ்யசபை உறுப்பினராக அனுப்பியது முஸ்லீம் லீக். அம்பேத்கார் உத்தரவைச் செயல்படுத்திய ஜோகேந்திரநாத் மண்டலுக்கு பாகிஸ்தானின் கான்ஸ்டிட்யூஷன் வடிவமைப்பின் தலைமைப் பதவி கிடைத்தது.

பல லட்சக்கணக்கான ஸ்ரீஜனங்களின், ஹிந்துக்களின் பிணத்தின்மீதேறி சந்தோஷமாகப் பதவி பெற்றுக் கொண்டார் அம்பேத்கார்.

மனசாட்சி கேட்காமல், பாகிஸ்தானின் அமைச்சரவையில் இருந்து ராஜினாமா செய்தார் ஜோகேந்திரநாத். அந்த ராஜினாமா கடிதத்தில், அம்பேத்காருக்குப் பலமுறை பிரச்சினை குறித்துத் தான் எழுதியதையும், இருப்பினும் அங்கேயே இருக்கச் சொல்லி அம்பேத்கார் பதிலளித்ததையும் சொல்கிறார் ஜோகேந்திரநாத்.
 
அந்தக் கடிதத்தைப் படிக்க: https://wikilivres.ca/wiki/Resignation_letter_of_Jogendra_Nath_Mandal
அந்தக் கலவரங்களைப் பற்றி அறிய: https://en.wikipedia.org/wiki/1950_Barisal_Riots

எனவே, சே குவேராவைவிட பல படுகொலைகளுக்கும், வன்புணர்வுகளுக்கும், சொத்துகள் கொள்ளையடிக்கப்படவும் காரணமாக இருந்த அம்பேத்கார்தான் பெரிய போராளி.




No comments: